Sevgein

Ortsplanung Begl

Blogmaster — Wed, 01 Feb 2012 06:16:28 +0000

Planungs-und Mitwirkungsbericht

Änderung Genereller Erschliessungsplan

Zonenplanänderung

Anhang1 Verfügbarkeit 2011

Anhang 2 Vorabklärung

Ergänzung Baugesetz

Teilrevision Ortsplanung – Kiesabbauzone Tschentaneras/QuadrasÖffentliche Mitwirkungsauflage

Blogmaster — Thu, 26 Jan 2012 08:46:46 +0000

In Anwendung von Art. 13 der kantonalen Raumplanungsverordnung (KRVO) findet die öffentliche Mitwirkungsauflage bezüglich einer Revision der Planungsmittel für die Kiesgrube statt. Aufgrund einer weitergehenden Wiederauffüllung sind alle Pläne aus dem Jahr 2003 revidiert worden.

Auflageakten:
Zonenplan Erweiterung Kiesabbauzone – Revision 2011 1:2000
Genereller Gestaltungsplan Nutzungsbereiche und Etappierung – Revision 2011 1:2000
Genereller Gestaltungsplan Wiederherstellung – Revision 2011 1:2000
Genereller Erschliessungsplan – Revision 2011 1:2000
Baugesetz Kiesabbauzone Ergänzung Revision 2011
Information:
Planungs- und Mitwirkungsbericht (Information)

Auflagefrist und -ort:
Die Akten liegen ab 27. Januar 2012 während 30 Tagen in der Gemeindekanzlei Sevgein (Schalteröffnungszeit oder nach telefonischer Vereinbarung) zur öffentlichen Einsichtnahme auf.

Vorschläge oder Einwendungen zu den Planungsmitteln sind bis am 27. Februar 2012 schriftlich und begründet an den Gemeindevorstand zu richten.

Sevgein, den 26./27. Januar 2012
Der Gemeindevorstand

GEP Revision 11
GGP Etappen 11
GGP Wiederherstellung Revision 11
Planungs und Mitwirkungsbericht 2011
Zonenplan Revision 11
Baugesetz Kiesgrube 11
Anhang 1
Anhang 2

Unviern 2012

Blogmaster — Fri, 20 Jan 2012 07:37:18 +0000

Nossa vischnaunca sepresenta pil mument en in grondius vestgiu d’unviern. Dapi igl onn 1999 ha ei buca bischau ton en Surselva. Era sch’igl unviern ei vegnius plitost empau sil tard essan nus ussa tuts pli che cuntents.

Cheu entginas impressiuns ord nies vitg.

Radunonza communala

Blogmaster — Tue, 17 Jan 2012 21:02:26 +0000

La proxima radunonza communala ha liug margis, ils 24 da schaner 2012 dallas 20.15 uras en halla plurivalenta.

Pigniel da Nadal

Blogmaster — Tue, 29 Nov 2011 20:30:08 +0000

Sin l’invitaziun dall’Uniun da dunnas ha la populaziun dil vitg festivau gl’emprem d’advent sin Piaz.

Sut cundiziuns specialas, quei vul dir senza neiv, ei vegniu fatg printgas sil temps d’advent.

L’Uniun da dunnas ha offeriu als hosps vin cauld, punsch e dultschs da Nadal.

Tuts han priu temps per ina sentupada e buns discuors.

Viadi dall’uniun da dunnas Sevgein

Blogmaster — Sun, 23 Oct 2011 08:29:31 +0000

La fin dalla jamna dils 7 entochen ils 9 d’october ha giu liug igl usitau viadi dall’ uniun da dunnas da Sevgein.

Damai che l’uniun ha astgau festivar il giubileum da 35 onns han las dunnas uonn selubiu da far in viadi da treis dis.

Il viadi ha menau el Tirol dil sid al concert dils renomai paslers da Kastelruth.

Denter auter han las dunnas era visitau las fletrunzas ella val Matsch ed il curtgin botanic a Trauttmansdorff.

Las dunnas han gudiu la legra cumpignia, inagada senza lur umens. Ellas ein denton era puspei turnadas bugen a casa.

Project da religiun si Riein ella Resgia veglia

Blogmaster — Sun, 09 Oct 2011 10:33:39 +0000

Dils 16 tochen ils 17 da settember 2011 ha il project da religiun „Baghegiar ina barca“ giu liug si Riein, organisau dils scolasts da religiun, Ser Jan-Andrea Bernhard e Gion Gieri Sgier. Varga trent’ affons ein sentupai per baghegiar ina barca en gruppas da treis entochen quater affons. Alla fantasia ein negins cunfins vegni mess ed aschia han ils affons baghegiau siat barcas differentas ord lenna.

Vendergis sera suenter tscheina han ils affons mirau cun grond plascher il film „Wicki und die starken Männer“. Era la notg ella Resgia ei stada fetg speziala ed ils affons han gudiu fetg, schegie che biars han durmiu l’emprema ga ordeiver.

Sonda da miezgi havein nus saviu admirar bialas barcas sco p.ex. „Perle des Südens“ – ins havess gest giu tschaffen dad ir sin quella barca e guder in bien apéro.

The Flash Player and a browser with Javascript support are needed..

Di da giugs e fiasta da vitg – 18 da zercladur 2011

Blogmaster — Wed, 22 Jun 2011 19:27:01 +0000

Deplorablamein ei l’aura buca propi stada sco quei ch’ins vess giu bugen. Tuttina havein nus saviu guder in grondius di. Duront il suentermiezdi ha giu liug il di da gius en la halla plurivalenta. Buca meins che 15 famiglias ein separticipadas a quels giugs amicabels. Cun gronda breigia han ils organisaturs giu preparau zun interessants giugs. Gudignau ha la famgila Spescha avon la famiglia Sgier Gartmann e la famiglia Derungs.

La sera ha lu la tradiziunala fiasta da vitg giu liug en halla. Gronda calamita ha puspei il „spidar lamezzis“ giu. Ils participonts ein semiserai en quater categorias. Ils victurs ein Jan Cadalbert, Ursin Spescha, Flurina Caduff e Jean-Pierre Schlüchter.

Nus selegrein gia oz sin la proxima fiasta da vitg.

Chor mischedau Sevgein

Blogmaster — Tue, 31 May 2011 16:52:54 +0000

La fin d’jamna dils 27 e 28 da matg 2011 ha la fiasta da cant districtuala dalla Surselva giu liug a Glion.

Il Chor mischedau Sevgein ei separticipaus cun in fetg grond success a quella fiasta da cant.

Sut la bitgetta dalla nova dirigenta, Flavia Hublard ha il chor contonschiu il predicat “fetg bien”.

Cordiala gratulaziun alla dirigenta ed a tuttas cantaduras e tuts cantadurs.

Gruppa da corns Péz Fess

Blogmaster — Wed, 25 May 2011 19:55:30 +0000

Ils 21 da matg ha la gruppa da corns Péz Fess da Sevgein saviu festivar in ulteriur grond success.

A caschun dil campiunadi svizzer a Goldach han els contonschiu en la pli aulta categoria igl emprem plaz. Quei ei in enorm success e fa grond plascher all’entira vischnaunca.

Cordiala gratulaziun e vinavon bia plascher e divertiment da far musica.

Chor da giuvenils Surselva

Blogmaster — Mon, 23 May 2011 19:33:17 +0000

Ils 5 da zercladur 2011 fa il “Chor da giuvenils Surselva” viseta en vischnaunca.

Tut las convischinas ed il convischins ein evidai a quella occurenza.

Mira era il flyer sco PDF

1. sontga communiun

Blogmaster — Wed, 04 May 2011 05:53:05 +0000

Igl 1. da matg 2011 han treis affons dalla pleiv catolica Sevgein/Castrisch/Riein retschiert l’emprema s. communiun.

Selina Candinas, Jan Cadalbert e Mauro Hossmann han astgau retscheiver quei di per l’emprema gada la communiun.

Il survetsch divin ei vegnius embellius dil Chor mischedau Sevgein e sia dirigenta Flavia Hublard ensemen cun Clemens Christoffel.

Im cumpliment sauda era al scolast da religiu Gion Gieri Sgier che ha preparau ils affons cun in bellezia tema sin quella fiasta.

Danovamein ha ina fiasta tradiziunala saviu vegnir festivada commensuradamein.

Nus giavischein als premcommunicants tut mo il bien per lur futur.

Signalisaziun dallas vias

Blogmaster — Fri, 22 Apr 2011 05:55:02 +0000

Novissimamein ein ussa era las vias en nies vitg nudadas cul dretg num. Scadin quatier e tuttas vias ein ussa signalisadas cun bialas e schubras tablas blauas. Aschia eis ei per biars hosps pli sempel da mintgamai anflar la persuna giavischada.

Nus tuts selegrein sil bi temps da primavera.

Kirchgemeindeversammlung

Blogmaster — Sun, 17 Apr 2011 06:19:50 +0000

Presentaziun dalla stalla Cadalbert

Blogmaster — Tue, 12 Apr 2011 06:29:07 +0000

Teater “Um Himmels Willa Herr Pfarrer”

Blogmaster — Sun, 06 Mar 2011 06:27:59 +0000

Gi d’oraziun mundiala

Blogmaster — Wed, 02 Mar 2011 06:24:48 +0000

Sera famigliara

Blogmaster — Mon, 14 Feb 2011 20:07:40 +0000

Cun bia premura ed engaschament ha l’Uniun da tir Sevgein Riein organisau la sera famigliara 2011. Il motto havess buca saviu esser pli actuals – “Il supertalent”. Als hosps ch’ein vegni dalunsch e damaneivel ei lu era vegniu mussau presentaziuns fetg divertentas tier quei tema. La sala fullanada ha confirmau inaga dapli che quella sera vegn appreziada buca mo dils affons.

Nus engraziein als organisaturs ed a tut las uniuns per la biala sera delectonta.

The Flash Player and a browser with Javascript support are needed..

Sera famigliara

Blogmaster — Fri, 11 Feb 2011 10:21:52 +0000

Ci spiace, ma questo articolo è disponibile soltanto in Deutsch.

Plaz da glatsch

Blogmaster — Fri, 28 Jan 2011 20:23:01 +0000

Era uonn ei il plaz da glatsch en funcziun. Cun bia lavur e grond engaschi ei il plaz da glatsch vegnius endrizzaus. Ils affons gaudan la patinera cumpleinamein. Igl ei bi ch’ei dat ina tala purschida en nossa vischnaunca.

Cordial engraziament a Jean-Pierre, ad André ed a tuts gidonters per la gronda lavur.

Usit dils treis sogns retgs

Blogmaster — Wed, 12 Jan 2011 12:27:45 +0000

La davosa fin dall’jamna han ils treis sogns retgs fatg ina viseta a nus. Tenor vegl usit van ils affons da scola casa per casa e contan entginas canzuns per ils habitonts.

Era uonn han ils scolars fatg grond plascher a nus cun lur canzuns. Nus engraziein a tuttas persunas participadas per las breigias e per la tgira da quella biala tradiziun.

Nadal da Zell

Blogmaster — Fri, 17 Dec 2010 05:19:06 +0000

Ils affons da scoletta e da scola han enrihiu nies temps da Nadal cun la presentaziun dil Nadal da Zell (D Zäller Wiehnacht).

Las produczins meretan grond respect. Nus havein gudiu l‘inscenaziun bein gartegiada.

Als affons s‘auda in grond engraziament e cumpliment per la grondiusa prestaziun. Il medem vala naturalmein era per tuttas persunas ch‘ein stadas participadas davon e davos las culissas.

In milliun en letg

Blogmaster — Thu, 18 Nov 2010 06:42:47 +0000

Cun grond success ha ina gruppa da commembers dall’Uniun da giuventetgna presentau la cumedia criminala da Hans Gmür – In milliun en letg – translatada da Thomas Beer, che ha era procurau per la reschia. Tier tuttas treis producziuns ha igl iniziant e president dil comite d’organisaziun, Lucas Beer, astgau beneventar in numerus publicum. Allas teatristas e teatrists in grond cumpliment per la grondiusa prestaziun ed a tuts participonts in cordial engraziament per tut la buna lavur prestada en favur dalla cultura a Sevgein.

The Flash Player and a browser with Javascript support are needed..

Fiasta da megliuraziun a Sevgein

Blogmaster — Tue, 12 Oct 2010 15:34:04 +0000

La dumengia, ils 10 d’october 2010 ei la megliuraziun a Sevgein vegnida terminada cun ina gronda fiasta da finiziun. Suenter che la radunonza da vischnaunca ha giu concludiu cun ina gronda maioritad ils 10 d’october 1996 da prender a mauns quell’ovra ei quella ida precis 14 onns pli tard a fin.

Hosps envidai ed indigens han gudiu in emperneivel di cun producziuns divertentas dils affons da scola, dil Chor mischedau Sevgein sco era dalla Gruppa da corns Péz Fess. Diversas persunalitads han undrau la buna lavur prestada en lur plaid da laud.

Informaziuns tier la fusiun da vischnauncas

Blogmaster — Sat, 18 Sep 2010 16:29:43 +0000

Memoblatt

Nationalfeiertag

Blogmaster — Tue, 03 Aug 2010 06:48:26 +0000

Tenor tradiziun ha la fiasta digl 1. d’uost era giu liug uonn a Sontga Fossa. l’organisaziun ei l’Uniun da dunnas stada responsabla, per il grond fiug l’Uniun da giuventetgna. Ils hosps pli pigns han saviu separticipar vid in til da lampiuns entuorn la caplutta da s. Fossa. Il grond diember da hosps ch’ein vegni da lunsch e da maneivel demuossa la popularitad da talas fiastas. All’Uniun da dunnas seigi engraziau grondamein per la buna ed emperneivla ustria da fiasta.

Frauenverein Sevgein

Blogmaster — Sat, 12 Jun 2010 19:35:38 +0000

Uonn festivescha l’Uniun da dunnas Sevgein siu 35avel giubileum. Cun quella caschun ein tuttas commembras vegnidas envidadas la fin da matg ad in viadi da dus dis a Mayrhofen el Zillertal.

Duront quei viadi ha ei dau beinenquala biala surpresa. Il punct culminont ei stau la sera duront tscheina cu la suprastonza ha presentau il niev logo dall’uniun.

Quel ei cusius sin blusas e t-shirts e dat ensemen cun ils scussals in bi maletg d’unitad. Egl avegnir vegn quella vestgadira purtada dallas commembras a caschun da lur occurenzas.

La surpresa ei gartegiada ed il bi viadi vegn a restar a tuttas participontas en buna regurdientscha.

Gruppa da corns Péz Fess

Blogmaster — Wed, 19 May 2010 06:25:40 +0000

Dils 23 entochen ils 25 d‘avrel 2010 ei la Gruppa da corns Péz Fess stada sin viadi. Els ein stai envidai da buns enconuschents el Tirol dil Sid/Pustertal. La gruppa ha sunau a Franzenburg a caschun dalla 2. exposiziun davart la tgira dalla natira 2010. La dumengia ha ser Jan Andrea Bernhard celebrau in survetsch divin ecumen en la caplutta d‘ina fortezia.

Era quei survetsch divin ei vegnius embellius dalla Gruppa da corns. Sin lur viadi ein ils musicants vegni accumpignai d‘entgins buns amitgs dallas vischnaucas Riein, Sevgein e Castrisch.

Concert da scolars

Blogmaster — Wed, 19 May 2010 06:10:29 +0000

Ils 16 da matg 2010 han las scolaras ed ils scolars dalla scola da musica dallas vischnauncas Sevgein/Riein/Castrisch envidau a lur concert communabel.

Ina gronda diversitad d’instruments e da melodias ei vegnida presentada. Ina ga dapli eis ei semussau cons talentai ch’ei dat en nossas vischnauncas.

Igl ei stau in plascher d’udir las giuvnas solistas e solists. In cordial engraziament allas scolastas ed als scolasts da musica sco era als organisaturs Flavia Hublard e Gion Gieri Sgier per quellas bialas producziuns dalla dumengia.

Wir singen und musizieren für euch

Blogmaster — Mon, 10 May 2010 05:46:17 +0000

In concert dils scolars da scola da musica da Castrisch e Sevgein

Dumengia, ils 16 da matg allas 14:00 en halla plurivalenta a Sevgein,
silsuenter stiva da caffé

Tuts ein cordialmein beinvegni!

Chor mischedau Sevgein

Blogmaster — Tue, 13 Apr 2010 10:48:24 +0000

La sonda vargada ha giu liug il concert da primavera tradiziunal dil Chor mischedau Sevgein.

Ensemen cun il Chor viril Sagogn ei vegniu cantau canzuns da primavera. Omisdus chors han delectau il publicum cun lur producziuns.

Ina gada dapli ha il Chor mischedau da Sevgein perschuadiu cun ina biala surpresa: tuns da tiba e d‘ina sunaria ein stai d’udir.

Cordiala gratulaziun als dus chors ed in grond engraziament als dus dirigents per lur gronda lavur.

[See post to watch Flash video]

Gemeinschaftskonzert „Chor mischedau Sevgein“ und „Chor viril Sagogn“

Blogmaster — Tue, 23 Mar 2010 22:00:19 +0000

Sonda, ils 10 d’avrel ha liug ella halla plurivalenta a Sevgein il concert da primavera dil „Chor mischedau Sevgein“.

Ensemen cun il Chor viril da Sagogn vegn cantau canzuns per l’entschatta da primavera. Il concert entscheiva allas 20.15 uras. Suenter las producziuns vegn endrizzau in’ustria en la halla plurivalenta.

Cantaduras e cantadurs sco era lur dirigents Gion Gieri Sgier e Gion Cavelty selegran da Vossa viseta.

Dapli informaziuns saveis Vus retrer dil Flyer aschuntau cheu sut.

» Flyer

Eisfeld – Impressionen

Blogmaster — Thu, 11 Feb 2010 12:45:46 +0000

Familienabend

Blogmaster — Mon, 01 Feb 2010 19:57:42 +0000

Ils 30 da schaner 2010 ha la tradiziunala sera famigliara giu liug en halla plurivalenta. Il Chor mischedau Sevgein ei staus responsabels per l’organisaziun e la realisaziun da quella. Ina ga dapli han ins astgau guder en in‘ atmosfera zun emperneivla bialas producziuns da tuttas uniuns dil vitg. Ils affons han capiu da dar liber vau a lur creativitad e fantasia e da secostumar.

Nus engraziein als organisaturs per la sera bein gartegiada.

Apéro vom 10. Januar 2010

Blogmaster — Mon, 11 Jan 2010 20:47:50 +0000

[Gallery not found]

Langlauf

Blogmaster — Wed, 06 Jan 2010 16:22:45 +0000

La categoria U12 dalla squadra da cuorsa liunga dil Club da skis Castrisch ei campiunessa grischuna. En quella categoria ein era dus giuvenils da Sevgein parti ella cuorsa. Alessandro Cadalbert ed Ursin Spescha han gudignau il tetel ensemen cun Severin Bonolini da Castrisch. Severin ei era daventaus campiun grischun ella cuorsa singula U12.

Cordiala gratulaziun per quellas grondiusas prestaziuns.

Eisfeld

Blogmaster — Wed, 06 Jan 2010 16:15:42 +0000

Dapi Daniev ei nies plaz da glatsch en funcziun. Ils affons gaudan la nova purschida a Sevgein. Era affons d’ordeifer fan diever dalla patinera.

Nus engraziein a Jean-Pierre Schlüchter ed a ses gidonters per la gronda lavur. Oravontut Jean-Pierre investescha bia temps per il manteniment dil glatsch.

La purschida ei publica. La sera ei la patinera illuminada.

[SinglePic not found]

Apero d’advent

Blogmaster — Tue, 08 Dec 2009 05:18:18 +0000

La secunda d’umengia d’advent ha l’Uniun da dunnas envidau la populaziun dil vitg tier in apero sin Piaz. Las habitontas ed ils habitonts han dau suatientscha agl invit e gudiu l’emperneivla atmosfera. Tuts han schau gustar vin e must cauld ed entgins fins dultschins. Era als affons ha ei plaschiu da termagliar ella neiv sin Piaz.

Aschia ei il pigniel da Nadal vegnius inauguraus undreivlamein.

In grond Dieus paghi all’Uniun da dunnas per la biala surpresa da Nadal.

Advent

Blogmaster — Thu, 03 Dec 2009 12:04:36 +0000

L’Uniun da dunnas da Sevgein ha decorau uonn sin Piaz in pigniel da Nadal. Quell’atmosfera d’advent particulara duei stimular ils habitonts da sepreparar sin la fiasta da Nadal. Cunquei ch’era la neiv ei arrivada gest il dretg mument, sepresenta nies vitg en in vestgiu d’unviern perfect.

Pruschidas dil temps liber

Blogmaster — Sat, 07 Nov 2009 14:31:09 +0000

Cultura, recreaziun e sport ha ina liunga tradiziun en nossa vischnaunca. Fagei diever dallas differentas purschidas dil temps liber en vischnaunca. Las suandontas offertas vegnan purschidas duront il temps d’unviern. S’informei per plascher davart ils detagls mintgamai tier la persuna da contact.

Yoga – Anna Gschwend Malin, 081 925 13 02
Gimnastica per in e scadin – Gion Gieri Sgier, 081 925 41 27
Unihockey – Manuel Albin, 079 297 18 59
Chor mischedau – Marcus Walder, 081 925 10 77

Scuntrada dallas annadas 1945–1963

Blogmaster — Tue, 25 Aug 2009 20:45:43 +0000

La sonda, ils 22 d’uost 2009 ein las annadas dils onns 1945-1963 s’entupadas a Sevgein. Las participontas e participonts han gudiu la fiasta. Ei ha dau vivas discussiuns e bia scomis da meinis. Secapescha che beinenquala regurdientscha ord il temps … Continue reading →

Entschatta dalla scola

Blogmaster — Wed, 19 Aug 2009 11:59:22 +0000

Il gliendisdis, ils 17 d’uost 2009 ha la scola era entschiet en nossa vischnaunca.

Cun in survetsch divin ed igl usitau ensolver en cuminonza han ils affons da Riein, Sevgein e Castrisch dau l’entschatta al niev onn da scola.

Cun bia slontsch ein scolaras e scolars sco era scolastas e scolasts semess vid la lavur.

La scoletta sco era l’emprema e secunda classa vegnan menai a Sevgein.

La tiarza entochen la sisavla classa frequentan l’instrucziun a Castrisch. Nus giavischein a tuttas participontas e tuts participonts tut bien e bia satisfacziun per igl onn da scola.

Fiasta naziunala

Blogmaster — Mon, 03 Aug 2009 09:30:55 +0000

Nossa fiasta federala digl 1. d’uost ha giu liug uonn puspei a s. Fossa. La fiasta ha entschiet cun in til da lampiuns dils affons ed ei vegnida cuntinuada a s. Fossa. Carschi ed affons han gudiu fetg l’emperneivla atmosfera en quei liug special.

Sco mintg’onn ha l’Uniun da dunnas organisau la festivitad a moda exemplarica. Cordial engraziament a tuts participonts.

Fiasta da vitg a Sevgein

Blogmaster — Thu, 02 Jul 2009 16:34:28 +0000

La fiasta da vitg 2009 ei puspei stada in success cumplein. A caschun dil di da giugs han las famiglias indigenas saviu absolver in interessant percuors. Las arbagias leutier ha la famiglia Brida e Vitus Gartmann-Sgier gudignau.

Duront la sera ei lu stau divertiment cun sault e musica sil plaz dil vitg. Ina roscha persunas ha nezegiau la caschun da star da cumpignia. Plinavon ei vegniu semiserau en spidar lamezzis da tschereschas, quei en quater categorias. En quella concurrenza ha ei dau ils suandonts victurs : Jean-Pierre Schlüchter, Corinne Cadalbert, Ursin Spescha e Jan Cadalbert.

Ei descha d’admetter als responsabels in grond engraziament per l’organisaziun da quella serada beingartegiada e sperar da puspei saver far fiasta sil pli tard en dus onns.

Teater a Sevgein

Blogmaster — Tue, 23 Jun 2009 18:26:55 +0000

Las scolaras ed ils scolars dalla 3. e 4. classa primara da Castrisch e Sevgein ein s’occupai duront la primavera intensivamein cun in project da teater.

La producziun a Sevgein ei lu era stada in grond success. La prestaziun da quels pigns artists ei stada grondiusa. Mintgin dad els ha saviu sesviluppar e profitar ina massa da quei project.

Alla scolasta Rita Capeder ed agl entir team desch’ei d’ametter in grond cumpliment per quella prestaziun. Allas scolaras e scolars in BRAVO gigantic. Uss astgan tuts selegrar dallas beinmeritadas vacanzas.

Gruppa da corns da catscha Péz Fess

Blogmaster — Tue, 16 Jun 2009 19:18:41 +0000

La gruppa da corns da catscha da Sevgein ei separticipada la fin dall’jamna vargada alla 26avla fiasta federala da corns da catscha a Baden. Gia a caschun dall’emprema participaziun han els contonschiu in fetg ault resultat. En la secund’aulta categoria han ils musicants reussiu igl emprem rang, quei survargond il secund plaz per in schit ton.

La formaziun ha stuiu presentar tschun tocs avon ina giuria da tschun experts.

Nus gratulein a nos brigliants musicants per lur grondius resultat e giavischein ad els vinavon bia plascher da far musica.

[Fotos: Pieder Cadalbert]

Fiasta da vitg

Blogmaster — Tue, 09 Jun 2009 13:37:28 +0000

Suenter dus onns eis ei puspei aschi lunsch. Ils 27 da zercladur 09 envida il Chor mischedau Sevgein tuts e tuttas alla fiasta da vitg. La fiasta entscheiva allas 20:00 uras sin Piaz. Ei dat producziuns dalla musica giuvenila Steilalva, in campiunadi da spidar tschereschas e naturalmein musica da sault cul duo Sonnenklar. Da macort’aura ha nossa fiasta liug en halla plurivalenta.

Sco usitau ha era liug suentermiezdi il di da giugs per l’entira famiglia, pign e grond, giuven e vegl. Ils giugs entscheivan allas 15:30 uras. Vegni e separticipei.

Flyer (PDF)

Nos giubilars

Blogmaster — Mon, 01 Jun 2009 18:27:30 +0000

Sco usitau gia dapi entgins onns per la fiasta da Tschuncheismas, ha il Chor mischedau Sevgein rendiu honur allas senioras e seniors da nossa vischnaunca che festiveschan uonn in anniversari rodund.

Suenter il survetsch divin ein tuts vegni envidai da guder in aperitiv avon la halla plurivalenta. Cantaduras e cantadurs han delectau cun enzacontas canzuns ed aschia fatg in bi plascher a tuts presents.

Quell’emperneivla sentupada ei vegnida gudida cun in bien sitg e gustusas buccadinas en legra cumpignia.

Primavera a Sevgein

Blogmaster — Mon, 25 May 2009 20:55:37 +0000

Pli mument passentein nus grondius dis da primavera. La neiv ei luada e la natira sedestadada. Sil termometer semuossan temperaturas da stad. Nossas sendas da viandar ein semtgadas ed envidan ad ina recreaziun activa.

Las fotos ein vegnidas fatgas duront il temps d’Anzeisnas sin la via veglia denter Riein e Sevgein.

[Fotografias: Benedikt Malin]

Cuors da lungatg duront las vacanzas

Blogmaster — Tue, 21 Apr 2009 20:12:04 +0000

Naven dils 12 entochen ils 25 da fenadur 2009 han divers cuors da romontsch liug a Laax. La purschida cumpeglia differents nivels. Informaziuns pli detagliadas saveis Vus retrer dil PDF aschuntau.

Cuors da lungatg.pdf

Informaziuns