Scola
Consorzi da scola e scoletta
Castrisch-Sevgein-Riein
Il consorzi da scola e scoletta dallas vischnauncas Castrisch, Sevgein e Riein ei vegnius fundaus per l’entschatta digl onn da scola 2003/04. Il motiv persuenter ei stau la digren dil diember dils affons. Aschia sa – sco avon la fundaziun dil consorzi – mintga scolast instruir duas enstagl da treis classas communablamein.
Cussegl da scola
- SevgeinBrida Sgier Gartmann, president
- .Anna Gschwend Malin
- CastrischDaniela Vincenz
- .Conrad Cavigilli
- RieinThomas Zinsli
Scoletta
La scoletta vegn menada dil consorzi da scola e scoletta dallas vischnauncas Castrisch, Sevgein e Riein. L’instrucziun ha liug en casa da scola a Sevgein. Ils affons fan il viadi da scola cun il bus.
Scola primara
Era la scola primara vegn menada dil consorzi da scola e scoletta dallas vischnauncas Castrisch, Sevgein e Riein. L’emprema e secunda classa vegnan instruidas en casa da scola a Sevgein, la tiarza e quarta classa en casa da scola a Castrisch. Ils affons fan il viadi da scola cun il bus.
Classa pintga integrada dalla scola primara
Affons cun difficultads en ils roms matematica ni lungatg restan ella classa normada. Els vegnan promovi individualmein d’ina persuna d’instrucziun da pedagogia curativa mintgamai tenor necessitad parallel cun la classa normada.
Scalem superiur
La vischnaunca da Sevgein ei commembra dil Consorzi da scola Glion e contuorn. Tras quei frequentan ils scolars e las scolaras dil scalem superiur ils treis davos onns dalla scola populara a Glion. Dapli informaziuns davart il scalem superiur anfleis Vus sin la pagina d’internet: www.sgv-ilanz.ch